سنسور البوصلة Magnetometer
(تعريفه - استخداماته - كيفيه برمجته - عيوبه - سعره )
==========================
* تعريفه :
دا عباره عن سنسور بيتأثر بالمجال المغناطيسي وبينجذب ليه بقوه على حسب شدته , وبالتعويض في معدله معينه بيقدر يحول شده المجال لمتجه ويقدر يحسب الزاويه بين المتجه دا وبين محور X , وبالتالي السنسور دا بيعتبر بوصلة في حاله عدم وجود أي مؤثرات خارجيه لأن بينجذب لإتجاه الشمال تلقائيا وساعتها بتعرف انت زاويتك اد ايه مع اتجاه الشمال .. ف خرج السنسور عباره عن زاويه بالدرجات
بس دا في حاله ان السنسور one axis يعني في محور ال X بس .. اما في سنسورت بتبقى 3 axes يعني في ال 3 محاور , يعني لو في مغناطيس في مكان معين دا هيقيسلك شده المجال المغناطيسي في كل محور من المحاور .. وتقدر منها تعرف انت زاويتك اد ايه بالنسبه للمؤثر دا في ال x و ال Y وال z ... بمعنى انك تحلل المتجه دا على ال 3 محاور وتجيب المركبات التلاته للمجال كله ... وفي الحاله دي هو مبقاش بوصله بقا سنسور بيقيس المجال او بيقيس الزوايا مع المجال
مش كدا وبس .. من المعروف ان البوصله بتتأثر بأي جسم معدني لأنه بيبدأ يعمل زي مجال بسيط ف بيشوش على القراءة بتاعتها ( noise ) ومنها بيقدرو يستخدموه ك كاشف للمعادن
==========================
* استخداماته :
للسنسور دا استخدامات غير محدوده ..
-بيبقى موجود في كل الموبايلات واللابتوبات
-بيستخدم في تحديد القبله والشمال
-بيستخدم في ال ال Autonomous robots انك تظبط اتجاهك على زاويه معينه وتبدأ تعتبرها ك مرجع ليك لما تحب تلف وترجع تاني
-بيستخدم ك metal detector يكشفلك عن المعادن لأن السنسور دا بيتأثر بأي معدن ( بيحصل تغير في القراءات وبيبدأ يقرأ ان في مجال = noise )
- بيستخدم في مسابقات ال line follower عشان يظبط الحودات واللفات ويتأكد ان العربيه مش هتخرج بره الخط ( مثال : بيبدأ عند درجه 40 مع خط الشمال والحوده مقدارها 90 درجه ف بيلف العربيه لحد ما تبقا الزاويه 40+90 = 130 او تبقى بالعكس 40-90 = -50 )
- بيستخدم في الطيارات وال ROV عشان يمنع الطياره انها تنجرف او تغير اتجاهها بفعل الهواء او تيارات المايه ( Position hold )
- إلخ
==========================
* كيفيه برمجته :
السنسور دا بيستخدم بروتوكول ال I2C وبيبقا ليه 4 pins واحد باور وجراوند و 2 I2C .. فبالتالي تقدر تبرمجه من اي كنترولر
وبينزل معاه library جاهزه للأردوينو .. وتقدر تحمل الكود بتاعه من هنا :
link
* عيوبه :
من عيوب السنسور دا المشهوره ان بيتأثر بحاجتين :
1- اي جسم معدني قريب ( لو اتحط على عربيه ألوميتال او اي ماده معدنيه ) .. ودا ممكن يخليه يشوش ويقرأ غلط .. بس ممكن تتعالج لو المجال دا ثابت بمعنى انه ع طول هيفضل هنا ف هيبقى التشويش ثابت وممكن يستخدم بالقراءات الجديده ( بمعنى انه ممكن يشوش ف يزود 30 درجه ع كل القراءات ف لو مكان السنسور مش هيتغير ممكن تقرأ منه عادي خالص بس تنقص 30 من كدا قراءه )
2- انه بيتأثر بالارتفاعات والانخفاضات ( بيتأثر بأي ميل ) زي البوصله بالظبط بتحتاج انها تكون على سطح مستوي .. واقصى زاوية ارتفاع ممكن توصلها من غير ما يهنج او يقرأ غلط هي 15 درجه فقط .. فوق كدا هيبدأ يقرأ غلط
==========================
* سعره
من افضل السنسورت هو HMC5883L
ودا سعره من 125 - 150 جنيه في مصر
ليست هناك تعليقات:
إرسال تعليق